Čállojuvvon World Heritage Listui 2005:s

©Riikkaantikvára

 

Geodehtalaš mihtidančuoggát Struvemeridiánas
Struvemeridiána lei vuosttaš stuora dieđalaš mihtideapmi Eurohpás, ja čađahuvvui 1816 rájes gitta 1852 rádjái Friedrich Georg Wilhelm Struve jođiheami olis. Struve meridiánageavli lea erenoamáš sihke guhkkodaga ja kvalitehta dáfus, ja lea deaŧalaš elemeanta geodiehtaga historjjás.

Dán máilmmiárbbis leat 40 triangulerensaji Davvi Jiekŋameara ja Donau njálmmi gaskka. Mihtidančuoggát leat buot 10 riikkas maid čađa geavli manná: Norga, Ruoŧŧa, Suopma, Ruošša, Estteeana, Látvia, Lietuva, Vilgesruošša, Moldávia ja Ukraina.