r r r

Riksantikvaren logo Riikkaantikvára

Skip to main content

Árvoháhkan kulturmuitosuorggis

Birasgáhttendepartemeanta ja Riikkaantikvára leat álggahan prográmma mii sisttisdoallá árvoháhkama kulturmuitosuorggis. Kulturmuittut ja kulturbirrasat fertejit eanet váldot atnui ealli báikkálaš servodagaid ovddideami barggus ja leat resursan ealáhusdoaimmaid árvoháhkamis.

Hámmanbirgi, Finnmárkku. Foto: Morten Thorkildsen / Riikkaantikvára

Dát lea celkon stuoradiggedieđáhusas ”Leve med kulturminner” (Eallit kulturmuittuiguin), man Stuoradiggi mearridii 2005:s. Čuovvoleaddji politihkalaš čujuhusain leat eanet doaibmabijit mat galget dán guvlui movttiidahttit.

Prográmma mihttomearrin leat:

  • Váikkuhit dasa ahte kulturmuittut váldojit atnui báikkálaš servodagaid ja ealáhusdoaimmaid ovddideamis         
  • Ovddidit eaiggádiid, vuoigatvuođalaččaid, ealáhusdoaimmaid, almmolaš bealálaččaid, museaid ja eaktudáhtolaš organisašuvnnaid ovttasbargovugiid
  • Gilvit dieđuid dan birra movt kulturmuittuid  ja kulturbirrasiid guoddevaš geavaheapmi ovddida ealáhusovddideami ja nanne báikkálaš servodagaid ja guovlluid
  • Čielggadit guđet eavttut fertejit devdojuvvot, ja makkár vejolaš hehttehusaid ferte jávkadit, vai sáhttá árvoháhkama ovddidit.