Tilskot til fartøy i 2020

For 2020 har det kome inn søknadar frå 127 fartøy, syv SAVOS-fylker, tre SAVOS-kommunar, Norsk Forening for Fartøyvern og Norsk Industreiarbeidermuseum på til saman nesten 273 millioner kroner. Riksantikvaren hadde rundt 63 millionar kroner til fordeling, som dekker omtrent 23 % av den samla søknadssummen.

− Det vert lagd ned mange arbeidstimar i fartøyvernet. Fartøya må opplevast i drift. På den måten kan vi forstå dei sterke kysttradisjonane våre. Tilskota er staten sitt bidrag, men desse fartøya hadde ikkje vore på sjøen utan dei frivillige, seier klima- og miljøminister Sveinung Rotevatn.

Det er i dag om lag 250 historiske fartøy på Riksantikvarens verneliste. 14 av fartøya er freda, dei andre har status som verna skip. Fleire tusen frivillige langs heile kysten, ved elvar og innsjøar i innlandet legg årleg ned langt over 130.000 dugnadstimar til arbeid med fartøyvern.

− Fartøya er norsk samferdslehistorie. Dei har frakta både folk og handelsvarar til alle tider. Dette er kulturminne som veldig mange av oss har eit sterkt og nært forhold til, seier riksantikvar Hanna Geiran.

Riksantikvaren har i år prioritert vidareføring av istandsettingar som er i gang og fartøy som nærmar seg ferdigstilling av større restaureringar.

Tilskot og korona

Tiltak mot spreiing av koronasmitte gjer at flere tilskotssmottakarar kan møte på problem med å få satt vedlikehalds- og istandsettingstiltak ut i livet til planlagt tid.

− Vi oppmodar tilskotssmottakarar til å ta kontakt med sine lokale handverks- og fagmiljø, for å avtale nærare kva for arbeid som kan utførast, seier riksantikvar Hanna Geiran.

Nokre tiltak kan kanskje utførast no, medan mykje må vente til kvardagen vender attende til det normale. Det er nyttig for lokale verksemder å kunne legge planar for oppdrag lenger fram i tid.

− Vi hjå Riksantikvaren høyrer gjerne frå tilskotssmottakarane når dei utover våren får meir oversikt over kva for problem dei støyter på. Både med tanke på tilgang til gode fagressursar, og dersom det vert problem med å bruke tilskota i 2020, sier riksantikvar Hanna Geiran.

Brandbu

Brandbu er bygd i 1907 og er det einaste gjenverande lastefartøy bygd for å gå i ferskvatn. I 2013 fekk Brandbu status som verna skip, og sidan har det pågått arbeid med istandsetting med hjelp frå museet, og lokale frivillige. Nødvendige skrogreparasjonar er utført av Bredalsholmen Dokk og Fartøyvernsenter, og i 2019 var storparten av desse restaureringsarbeidene ferdig. No arbeidast det blant anna med ferdigstilling av innreiing. Riksantikvaren ønskjer med tilskotet for 2020 å bidra til at Brandbu ferdigstillast, og igjen kan seile på Randsfjorden som eit regionalt viktig kulturminne.

Sjå oversikt over tilskot lenger ned på sida. Tabellen visar både tilsagn (gitt i 2019) og tilskot for 2020: