MÁILMMIÁRBI

Oarje- Norgga vuotnaeanadat

Oarje- Norgga vuotnaeanadat máilmmiárbi fátmmasta Geirangervuona Møre ja Romsdalas ja Nærøyvuona Vestlánddas.

Styvi Gaard
Styvi Gaard Nærøyvuotnagáttis lea oassin Oarje- Norgga vuotnaeanadagas. Foto: Trond Taugbøl, Riikaantikvára

Oarje- Norgga vuotnaeanadaga birra

Dan guokte hirpmahuhtti čáppa vuotnaguovllu gaskka lea 120 km ja dat leaba geologalaš mearkkašumis ovdamearkkat klassihkalaš vuotnaeanadagaide. Dat čájeheaba eanadaga ovdáneami maŋemus jiekŋaáiggis otnážii. Goappaš guovllut leaba ovdamearkkat nuorra, aktiivvalaš jiehkeeanadagaide.

Mearkkat mat dain eanadagain leat, čájehit ahte vuotnaguovlluid leat geavahan olbmot dan rájesgo jiekŋa suddagođii 10 000 jagi dás ovdal. Smávva dulbodagain vuonas leat dállodoalut ja báktestelliin badjin vuonas leat meahccedállodoalut. Eanas doaluin leat olbmot dál fárren.

Dállodoalut leat báikkiin mat suddjejit muohta- ja geađgeuđđasa vuostá. Orrumat čájehit ahte dain báikkiin leat doaimmahan smávva dállodoaluid mat leat heivehuvvon váralaš, muhto seammás šattolaš eatnamiidda. Váris leat máŋga vákki gos gávdnojit geassesajit.

Guovlluin leat unnán olmmošlaš váikkuhusat. Čoahkkebáikkiid olggobealde, jihkiid, báljes duoddariid ja vuonaid gaskkas leat unnán oinnolaš teknihkalaš sisabahkkemat, nugo ovdamearkka dihte el- fápmojohtasat. Geirangervuotna ja Nærøyvuotna leaba dán dihte Norgga stuorámus duohtatkeahtes vuotnaeanadagat.

Máilmmiárbi

Oarje- Norgga vuotnaeanadat čállojuvvui Unesco máilmmiárbelistui 2005:s.

Oahpásnuva Geirangervutnii

Bláđe govaid mat leat govvejuvvon Oarje- Norgga vuotnaeanadagas

Bilde av Geirangerfjorden er en del av Vestnorsk fjordlandskap, som er ett av de norske stedene som står på UNESCOs verdensarvliste. Foto: Ludovic Péron via Wikimedia Commons.
Geirangervuotna:: Geirangervuotna lea oassi Oarje- Norgga vuotnaeanadagas, ja dat lea okta dain báikkiin Norggas mii čuožžu UNESCO máilmmiárbelisttus.
Foto: Ludovic Péron (CC BY-SA), via Wikimedia Commons.
Foto: Werner Harstad Statens vegvesen – Nasjonaleturistveger.no
Oarje- Norgga vuotnaeanadat::
Foto: Werner Harstad, Statens vegvesen – Nasjonaleturistveger.no
Oarje- Norgga vuotnaeanadat::
Foto: Andrea Albertino

Publisert: 12. February 2020 | Endret: 5. May 2021