PROŠEAVTTAT JA ÁŊGIRUŠŠAMAT
Adapt Northern Heritage
Adapt Northern Heritage (Heivehit kulturárbbi davvin) lea ovttasbargoprošeakta gaskal 15 doaibmaoasálačča Irlánddas, Islánddas, Norggas, Ruoššas, Skottlánddas ja Ruoŧas mas mihttun lea ovddidit buorebut hálddašeami kulturmuittuin ja kulturbirrasiin rievdan dálkkádagas.
Prošeavtta duogáš
Dálkkádat mii rievdá boahtá buktit stuora váikkuhusaid kulturmuittuide. Bohtet maid šaddat dađistaga eanet hástalusat kulturmuittuid ja kulturbirrasiid eaiggádiidda ja hálddašeddjiide suodjalit kulturárbbi.
Stuora geográfalaš viidodat ja smávva báikegottit davvi guovlluin dahká ahte eaiggádiin, hálddašeddjiin ja eiseválddiin leat váttisvuođat ovddidit gelbbolašvuođa ja kapasitehta mii dárbbašuvvo hálddašit kulturmuittuid ja kulturbirrasiid dađistaga eanet gáibideaddji dálkkádagas.
Vaikko dálkkádat ja dálkkádatrievdamat leat iešguđetláganat eurohpálaš regiovnnain davvin , de sidjiide sáhttá ovdamunnin lonohallat áššedovdibálvalusaid ja vásáhusaid go galget plánet nanaguoddevaš heivehandoaimmaid.
Doaibmabijut
Prošeakta áigu ovddidit:
- bargovugiid kulturmuittuid/kulturbirrasiid riska- ja hearkkesvuođaárvvoštallamiidda
- bargovugiid heivehandoaimmaid plánemii mat vuhtiiváldet kultuvrralaš, ekonomalaš, biraslaš ja sosiála nanaguoddevašvuođa.
Bargoneavvu ráhkaduvvo, geahččaluvvo ja čájehuvvo doaibmaplánaid ovddideami bokte ovcci iešguhtet kulturmuittus/kulturbirrasis Islánddas, Irlánddas, Norggas, Ruoššas, Ruoŧas ja Skottlánddas.
Norggas leat válljejuvvon guokte ovttasbargoguoimmi bohtosiid geahččaleapmái ja čájeheapmái. Dat lea Aurland suohkan ja Svalbárdda áššeolmmái. Aurlandas guorahallojuvvojit Aurlandsdalen ja geassesajit. Svalbárddas lea Hiorthhamn, boares ruvkeservodat, mii galgá árvvoštallot.
Prošeakta galgá maid ovddidit fierpmádaga báikkálaš aktevrraide main lea ovddasvástádus kulturmuittuide ja kulturbirrasiidda, oahppama várás, jurdagiid lonohallamii ja ságastallat movt mii buoremusat váldit vára kulturárbbis.
Prošeaktaguoimmit
Dát prošeaktaguoimmit oassálastet:
- Historic Environment Scotland (prošeaktajođiheaddji)
- Riikaantikvára
- Minjastofnun Ísland (Cultural Heritage Agency of Iceland)
- Norgga kulturmuitodutkama Instituhtta (NINA).
Dasa lassin leat ollu ovttasbargoguoimmit, earret eará Aurland suohkan, Svalbárdda áššeolmmái ja Davvi Musea Norggas ja Riksantikvarieämbatet Ruoŧas.
3-Jagi ovttasbargoprošeavtta lea EO Interreg programme for the Northern Periphery and Artic belohahkii ruhtadan.
Váldde minguin oktavuođa dás:
Marte Boro – marte.boro@ra.no
