Cissi Klein minnesmerke

Bakgrunn for fredinga

Riksantikvaren har ei satsing på kulturminne etter våre nasjonale minoritetar, og har som mål å løfte fram og få auka kunnskap om våre nasjonale minoritetars kulturminne og vil frede eit utval av desse. Minnesmerket Cissi Klein-statuen er eit av fleire kulturminne i Trondheim som er valt ut for freding.

Med fredinga av minnesmerket, saman med andre kulturminne knytt til jødisk liv og virke, vert vår felles og mangfaldige kulturhistorie synleg i større grad enn ho har vore tidlegare. Fredinga er viktig i nasjonal samanheng, og er med på å retta opp manglande representasjon for dei freda kulturminna i Noreg. Eit viktig aspekt i er at den jødiske minoriteten sjølv har vektlagt Cissi Klein-statuen som eit viktig symbol som formidlar jødisk historie. Kulturminne har slik ei særleg tyding og verdi for ein nasjonal minoritet.

Føremål med fredinga

Cissi Klein-statuen skal bevarast som eit kulturhistorisk viktig minnesmerke. Fredinga skal ivareta utforminga, utsjånad og materialbruk for skulpturen for framtida. For å sikre området rundt minnesmerket og ta vare på samanhengen mellom skulptur og nærmiljø, vert også delar av parken og gateløpet for Cissi Kleins gate freda.

Omfanget av fredinga

Sjølve stauten vert freda, men også det nordaustre hjørnet av parken der minnesmerket står. Det omfattar den steinsatte plassen, benkar, bed og tre som omsluttar plassen. På nordsida av parken strekk området seg til fortauskanten mot vegen. Mot aust er omfanget Cissi Kleins gate med fortau på begge sider av vegen, avgrensa av bygningane i området.