r r r

Riksantikvaren logo Riikkaantikvára

Skip to main content

Vega-sullot

Čállojuvvon World Heritage Listui 2004:s.

Vega-sullot. Foto: Egil Murud

Vega-sullot lea Helgelándda rittus Nordlánddas. 1037 km² viiddu kulturduovdagii gullet sihke sullot, lassát ja mearra. Guovllus lea maŋemus logi duhát jagi leamaš guolásteapmi ja bivdu ealáhussan.

Dađi mielde go vuosttaš sulluide ásuidišgohte olbmot de erenoamáš duovdagat hábmejuvvojedje garra, muhto árvasis luonddu ja bivdoboanddá oktasaš fámuid bokte.

Vega-sulluid čállima World Heritage Listui ákkastallamis deattuhii UNESCO guovllu erenoamáš kulturduovdagiid árvvu, maid  olmmoš ja luondu guhkes áiggi mielde leat ovttas hábmen. Erenoamážit deattuhuvvui hávdalottiid ja uvjjaid ávkkástallan.